عندك علم

عندك علِمْ
عندك علم
عندك علم يا يوم ينجمعن سوه, ظلمة و ظوه, شمس و كمر, داء و دوة, حرب و سلم..
عندك علم
ينجمعن ابلم الشمل, و نرسم طفل.. اليحرسة صاحي مو ثمل.. فرعون ما دامة انجتل.. حزب البعث هم ينعدم
عندك علم.
صرنه فلم.. و المنتج امريكي يخي..( معروض ) بوجوه حكام العرب, اهل الجرب, تضحك على احداث الفلم عندك علم
من تطلع اخبار الظهر.. ابتموز يكتلني البرد.. شوك انفجر بين الورد.. يل ما تحس ..تضحك على اخبار الشمس.. و الشمس من تبجي حمم
عندك علم
هاي الظهر, بالليل من يطلع خبر.. و لو ذاعوا ابدمي يراق ..يبجي الكمر لاجل العراق.. و يلطم على امتونه النجم ..
عندك علم
لن يمر واحد سالني انته ياهو.. ياهو انته,, ليش كاضي العمر سكته,, ما الاسم..
عندك علم
وك آنه ياهو.. آنه من آل الحكيم العاش عمره و مات يم محرابة..
آنه من آل الصدر المن مصاب حسين صار امصابة..
آنه سستاني اعلى كاعي.. آني سني و مقتدائي اطباعي..
آنه رمز الكل حضاره من القدم
عندك علم
آني سجادة صلاتي ابنص كنيسة.. آني سني بس احب اطبخ هريسة.. انه متجتف واصلي بس اصلي وعندي تربة..
الله ربي.. الله ربه .. المهم ما يوم طخينه الصنم..
عندك علم
يبقى المهم اصلي عراقي.. من اكول آنه عراقي الكون يصرخ والنعم..
عندك علم
عندي علم
ابكل صراحة الما يضحي الها الوطن ما يفتهم..
عندك علم.
الى الشاعر عمار ابو جبل